ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ທ່າແຕງ ປາຖະກະຖາ 3 ວັນປະຫວັດສາດ

0038

ພິທີປະຖະກະຖາ 3 ວັນປະຫວັດສາດຄື: ວັນສະຖາປະນາ ສາທາລະນະລັດ ປະຊາທິ ປະໄຕ ປະຊາຊົນລາວ ຄົບຮອບ 42 ປີ (2/12/1975–2/12/2017 ), ວັນຄ້າຍວັນເກີດປະທານ ໄກສອນ ພົມວິຫານຄົບຮອບ 97 ປີ (13/12/1920–13/12/2017 ) ແລະ ວັນຕ້ານຢຸດຕິການໃຊ້ຄວາມຮຸນແຮງຕໍ່ແມ່ຍິງແລະເດັກນ້ອຍຄົບຮອບ 57 ປີ ( 25/11/196025/11/2017 )ໄດ້ຈັດຂຶ້ນໃນຕອນເຊົ້າຂອງວັນທີ 29ພະຈິກ 2017 ນີ້ທີ່ສະໂມສອນເມືອງ ທ່າແຕງ ແຂວງ ເຊກອງ ໂດຍການເປັນກຽດ ປາຖະກະຖາຂອງທ່ານ ຄໍາໄພ ສິມມາວັດ ຮອງເລຂາພັກເມືອງ ທ່າແຕງ, ມີບັນດາທ່ານຫົວໜ້າ, ຮອງຫົວໜ້າ, ພະແນກການ ກ່ຽວຂອ້ງຂອງແຂວງ,ພະນັກງານອາວຸໂສປະຕິວັດ ພ້ອມພະນັກງານ ລັດຖະກອນອອ້ມຂ້າງເມືອງ ແລະ ນັກຮຽນນັກສຶກສາເຂົ້າ ຮ່ວມ.

0039

ໃນພິທີທ່ານ ຄໍາໄພ ສິມມາວັດ ຮອງເລຂາພັກເມືອງ ທ່າແຕງ ໄດ້ເລົ່າຄືນມູນເຊື້ອ, ຄວາມໝາຍຄວາມສຳຄັນຂອງວັນ ຊາດ 2 ທັນວາ ແລະ ຜົນສຳເລັດໃນການປົກປັກຮັກສາ, ການສ້າງສາພັດທະນາປະເທດຊາດໃນໄລຍະ 42ປີ, ການພັດທະນາ ເສດຖະກິດ-ສັງຄົມ,ໄດ້ຮັບການຂະຫຍາຍຕົວເປັນກ້າວໆ ໂດຍສະເພາະ ດ້ານກະສິກຳ, ດ້ານພະລັງງານ ແລະ ບໍ່ແຮ່, ດ້ານອຸດ ສາຫະກຳ ແລະ ການຄ້າ,ດ້ານຄົມມະນາຄົມຂົນສົ່ງ ຄຽງຄູ່ກັບການພັດທະນາເສດຖະກິດ,ຂົງເຂດວັດທະນະທຳສັງຄົມ ແມ່ນ ໄດ້ຮັບການພັດທະນາຢ່າງຕໍ່ເນື່ອງແລະໄດ້ມີການເສີມຂະຫຍາຍມູນເຊື້ອ 2 ທັນວາ ເຂົ້າໃນການພັດທະນາປະເທດຊາດໃຫ້ຈະ ເລີນຮຸ່ງເຮື່ອງ ແລະ ໄດ້ເລົ່າຄືນປະຫວັດຂອງປະທານ ໄກສອນ ພົມວິຫານ,ຜົນງານອັນລ້ຳຄ່າຂອງທ່ານ ທີ່ໄດ້ນຳພາປະຊາຊົນ ລາວເຂົ້າໃນການຕໍ່ສູ້ກູ້ຊາດຕ້ານພວກລ່າເມືອງຂື້ນ, ອັນໄດ້ເຮັດໃຫ້ປະເທດຊາດໄດ້ຮັບການປົດປ່ອຍ, ເຮັດໃຫ້ຄົນລຸ້ນ ລູກລຸ້ນ ຫຼານຮັບຮູ້ໄດ້ພາລະກິດຕໍ່ສູ້ກູ້ຊາດຈົນສາມາດຍາດໄດ້ມາເຖິງປະຈຸບັນໄດ້ຢູ່,ເຮັດໃຫ້ຊີວິດການເປັນຢູ່ຊອງປະຊາຊົນບັນດາເຜົ່າ ໄດ້ຮັບການພັດທະນາດີຂື້ນ, ເຊີ່ງຄຸນງາມຄວາມດີຂອງທ່ານແມ່ນໄດ້ຮັບການຈາລຶກໄວ້ໃນໃຈຂອງຄົນລາວທັງທົ່ວປະເທດຕະ ຫຼອດໄປ,ໃນພິທີຍັງໄດ້ເລົ່າຄືນມູນເຊື້ອວັນຕ້ານຢຸດຕິການໃຊ້ຄວາມຮຸນແຮງຕໍ່ແມ່ຍິງແລະເດັກນ້ອຍຄົບຮອບ 57 ປີ ແລະ ຄວາມໝາຍຄວາມສຳຄັນ,ຜົນກະທົບອັນຍາວນານຕໍ່ແມ່ຍິງ ແລະ ເດັກນ້ອຍຕະຫຼອດຮອດບັນຫາເຊື້ອຊາດ,ຊົນເຜົ່າ ທົ່ວສັງຄົມ ມີຮູບການຕ່າງໆທີ່ມັກເກີດເປັນຕົ້ນ ການທຸບຕີ,ກັກຂັງທໍລະມານ,ດູໝິ່ນກຽດສັກສີ,ປ້ອຍດ່າ,ເມີນເສີຍ,ການຂົ່ມຂືນກະທຳຊຳເລົາ,ການລວນລາມລວງລະເມີດທາງເພດ, ແລະການປະຕິເສດບໍ່ໃຫ້ແມ່ຍິງມີສ່ວນຮ່ວມໃນການຄຸ້ມຄອງການເງິນ ແລະ ບໍ່ໃຫ້ເຂົ້າເຖິງຂໍ້ມູນ-ຂ່າວສານກ່ຽວກັບແຫຼ່ງທຶນ,ມູນມໍລະດົກໃນແຕ່ລະໄລຍະ,ດັ່ງນັ້ນລັດຖະບານແຫ່ງ ສປປລາວ ຈີ່ງໄດ້ໃຫ້ຄວາມເປັນຫ່ວງເປັນໄຍທຸ້ມເທທາງດ້ານທຶນຮອນ,ດ້ານນະໂຍບາຍ,ຍຸດທະສາດ,ນິຕິກຳ,ສ້າງກົນໄກຂອງຄະນະກຳມາທິການເພື່ອຄວາມກ້າວໜ້າຂອງແມ່ຍິງ ແລະ ເດັກນ້ອຍ ພ້ອມທັງສ້າງກົດໝາຍວ່າດ້ວຍການພັດທະນາ,ການປົກປ້ອງແມ່ຍິງ,ກົດໝາຍວ່າດ້ວຍການຕ້ານ ແລະ ສະກັດກັ້ນການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ເພື່ອສົ່ງເສີມການພັດທະນາຄວາມສະເໝີພາບຍິງ-ຊາຍ ແລະ ລຶບລ້າງສິ່ງຫຍໍ້ທໍ້ອື່ນໆໃນສັງຄົມລາວໃຫ້ໝົດໄປຕາມເງື່ອນໄຂໃໝ່ເທື່ອລະກ້າວ.0040

ທັງນີ້ ກໍ່ເພື່ອໃຫ້ພະນັກງານ ທະຫານຕຳຫຼວດພໍ່ແມ່ປະຊາຊົນບັນດາເຜົ່າໄດ້ຮັບຮູ້ເຖິງປະຫວັດຄວາມເປັນມາ ແລະ ຄວາມສຳຄັນຂອງວັນສະຖາປະນາ ສປປລາວ,ວັນຄ້າຍວັນເກີດຂອງປະທານ ໄກສອນ ພົມວິຫານ ແລະ ວັນຕ້ານຢຸດຕິການໃຊ້ຄວາມຮຸນແຮງຕໍ່ແມ່ຍິງແລະເດັກນ້ອຍ ໃຫ້ຄົນລາວໄດ້ຮັບຮູ້ເຖິງວັນສຳຄັນຕ່າງໆຂອງຊາດລາວເຮົາ. ຈາກນັ້ນ ຍັງໄດ້ຈັດກິດຈະກໍາ ສັກຢາ-ຢອດຢາໃຫ້ເດັກນ້ອຍຕື່ມອີກ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates