ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ທ່ານ ຮອງປະທານປະເທດ ແຫ່ງ ສປປ ລາວ ເຄື່ອນໄຫວຢ້ຽມຢາມແຂວງເຊກອງ

0029

#ຂ່າວ-ພາບ: ນາລີວັນ

          ຕອນບ່າຍວັນທີ 22 ພະຈິກ ທ່ານ ປອ ພັນຄໍາ ວິພາວັນ ຜູ້ປະຈໍາການຄະນະເລຂາທິການສູນ ກາງພັກ ຮອງປະທານປະເທດແຫ່ງ ສປປ ລາວ ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງເຊກອງ ໂດຍການຕ້ອນຮັບຢ່າງອົບອຸ່ນຂອງທ່ານ ຄໍາເຜິຍ ບຸດດາວຽງ ກໍາມະການສູນກາງພັກ ເລຂາພັກແຂວງ ເຈົ້າແຂວງເຊກອງ ພ້ອມດ້ວຍຄະນະ ແລະພະນັກງານຫລັກແຫລ່ງຂອງ ແຂວງ ເຂົ້າຮ່ວມ.

ການມາຢ້ຽມຢາມແຂວງເຊກອງໃນຄັ້ງນີ້ ທ່ານ ຮອງປະທານປະເທດແຫ່ງ ສປປ ລາວ ກໍ່ໄດ້ຮັບຟັງການລາຍງານການຈັດຕັ້ງ ປະຕິບັດແຜນພັດທະນາເສດຖະກິດ-ສັງຄົມຂອງແຂວງ ໃນໄລຍະ 11 ເດືອນຜ່ານມາ ແລະທິດທາງແຜນພັດທະນາເສດຖະກິດ-ສັງຄົມ ຂອງແຂວງປະຈໍາປີ 2018 ໂດຍຫຍໍ້ ຈາກທ່ານ ຄໍາເຜິຍ ບຸດດາວຽງ ກໍາມະການສູນກາງພັກ ເລຂາພັກແຂວງ ເຈົ້າແຂວງເຊກອງ. ພາຍຫຼັງໄດ້ສໍາເລັດບັ້ນດໍາເນີນຊີວິດການເມືອງປັບປຸງປົວແປງພັກທົ່ວແຂວງ, ແຂວງກໍ່ໄດ້ສະຫຼຸບຕີລາຄາການຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມ ກໍ່ຄືຂຸດຄົ້ນແຫຼ່ງລາຍຮັບຂອງແຂວງໃນ 11 ເດືອນຜ່ານມາເຫັນວ່າ: ໂດຍລວມແລ້ວແຂວງເຊກອງມີສະຖຽນ ລະພາບທາງດ້ານການເມືອງ - ແນວຄິດ,ໜັກແໜ້ນສັງຄົມມີຄວາມສະຫງົບ ປອດໄພໂດຍພື້ນຖານ, ເສດຖະກິດຂອງແຂວງສືບຕໍ່ຂະ ຫຍາຍຕົວດ້ວຍຈັງຫວະໝັ້ນທ່ຽງ, ລວມຍອດຜະລິດຕະພັນພາຍໃນ ຫຼືGDP ຂະຫຍາຍຕົວໃນລະດັບ 9,1%, ສະເລ່ຍຕໍ່ຫົວຄົນ ບັນລຸໄດ້ 12,7 ລ້ານກີບ ຫຼືເທົ່າກັບ 1.590 ໂດລາສະຫະລັດ, ການຈັດເກັບລາຍຮັບເຂົ້າງົບປະມານ ຂອງແຂວງ ໃນ 11 ເດືອນ ປະຕິບັດໄດ້ທັງໝົດ85%ແລະຄາດຄະເນປະຕິບັດໝົດປີ 100% ຖືວ່າສູ້ຊົນບັນລຸໄດ້ຕາມແຜນທີ່ວາງໄວ້. ດ້ານການປະຕິບັດລາຍ ຈ່າຍງົບປະມານອັນທີ່ເປັນພື້ນຖານແມ່ນຮັບປະກັນການເບີກຈ່າຍເງິນເດືອນໃຫ້ພະນັກງານ, ລັດຖະກອນ,ທະຫານ-ຕໍາຫລວດ, ພະນັກ ງານບໍານານ, ຄູອາຈານ ແລະ ຖັນແຖວພະຍາບານແມ່ນປະຕິບັດໄດ້ຢ່າງເປັນປົກກະຕິທຸກໆເດືອນ, ການຜະລິດການປູກ-ການລ້ຽງ ຂອງປະຊາຊົນຍັງສືບຕໍ່ຂະຫຍາຍຕົວເພີ່ມຂຶ້ນ ສະແດງອອກຮອດປະຈຸບັນຂະບວນການເກັບກ່ຽວມ້ຽນມັດເຂົ້ານາປີຂອງຊາວກະສິ ກອນຫຼາຍທ້ອງຖິ່ນແມ່ນປະຕິບັດໄດ້ຫຼາຍກວ່າ 95% ຂອງເນືອທີ່ປັກດໍາ 12.808 ເຮັກຕາ ແລະສາມາດເກັບກ່ຽວຜົນຜະລິດໄດ້ 52.988 ໂຕນ; ເກັບກ່ຽວພືດສະບຽງອາຫານໄດ້ 56.912 ໂຕນ ໃນເນືອທີ່6.529 ເຮັກຕາ; ການປູກພືດເປັນສິນຄ້າປະຕິບັດໄດ້ 163.658 ໂຕນ ໃນເນືອທີ່ 22.451 ເຮັກຕາ.

ທັງນີ້, ຂະບວນການຜະລິດກະສິກໍາຕິດພັນກັບການຊຸກຍູ້ການຜະລິດເປັນສິນຄ້າເພື່ອແກ້ໄຂ ແລະລົບລ້າງຄວາມທຸກຍາກຂອງ ພໍ່ແມ່ປະຊາຊົນໄປຕາມທິດຍືນຍົງ ຄຽງຄູ່ກັບການເອົາໃຈໃສ່ວຽກງານປົກປັກຮັກສາສິ່ງແວດລ້ອມ ແລະສັງຄົມກໍ່ມີໜໍ່ແໜງ ແລະ ຂະຫ ຍາຍຕົວເພີ່ມຂຶ້ນກວ່າປີຜ່ານມາ ເຊິ່ງມັນໄດ້ສະແດງອອກ: ປີນີ້ແຂວງເຊກອງສາມາດສົ່ງອອກຜະລິດຕະພັນກະສິກໍາໄດ້ທັງໝົດ 93.756 ໂຕນ ໃນນັ້ນ, ມີໜໍ່ໄມ້ຝຣັ່ງ 87.799 ໂຕນ, ກາເຟ (ໝາກຊ້ອມ+ດໍາ) 1.004 ໂຕນ, ຖົ່ວດາວອິນຄາ 3 ໂຕນ, ຢາງພາລາ (ກ້ອນ+ນໍ້າ) 3.800 ໂຕນ, ໝາກໜອດ 250 ໂຕນ, ໝາກກ້ວຍງ້າວ 900 ໂຕນ ແລະຜະລິດຕະພັນຈາກໄມ້ແປຮູບ ຈໍານວນ 452,34 ແມັດກ້ອນ ລວມມູນຄ່າທັງໝົດ 8.39 ລ້ານກວ່າໂດສະຫະລັດ.0028

ຄຽງຄູ່ກັນນັ້ນ ແຂວງເຊກອງຍັງໄດ້ເອົາໃຈໃສ່ພັດທະນາດ້ານວັດທະນະທຳ-ສັງຄົມ ໃນນີ້, ເລັ່ງໃສ່ວຽກງານສຶກສາ ແລະສາທາ ລະນະສຸກ ແລະວຽກງານ ຖວທ ເປັນຕົ້ນຕໍ ແນໃສ່ເພື່ອເຮັດໃຫ້ຕົວເລກຄາດໝາຍທີ່ກຳນົດໄວ້ໃນເປົ້າໝາຍສະຫັດສະວັດດ້ານການ ພັດທະນາຂອງປະເທດ ກໍຄືຂອງແຂວງໃຫ້ບັນລຸຜົນສຳເລັດໂດຍໄວ. ອັນທີ່ພົ້ນເດັ່ນ ແມ່ນໄດ້ປະກາດເມືອງລະມາມເປັນເມືອງຈົບຊັ້ນ ມັດທະຍົມຕົ້ນສໍາລັບປະຊາຊົນໃນວັນທີ 29 ກັນຍາ 2016 ແລະສາມາດສະກັດກັ້ນພະຍາດຕາມລະດູການ ໂດຍສະເພາະແມ່ນ ໄຂ້ຍູງລາຍ ເຊິ່ງໃນ 1 ປີຜ່ານມາມີຜູ້ຕິດເຊືອ 56 ກໍລະນີ ແຕ່ບໍ່ມີຜູ້ເສຍຊີວິດ. ນອກນີ້ພື້ນຖານໂຄງລ່າງ ແລະການໂຄສະນາຊວນທ່ຽວ ກໍໄດ້ຮັບການປັບປຸງໃຫ້ດີຂຶ້ນເຮັດໃຫ້ໃນ 11 ເດືອນຜ່ານມານີ້ ສາມາດດຶງດູດນັກທ່ອງທ່ຽວໄດ້ປະມານ 15.570 ຄົນ ທຽບໃສ່ ແຜນປະຕິບັດໄດ້ 77,85%, ສ້າງລາຍຮັບໄດ້ປະມານ 3,11 ລ້ານໂດລາ ແລະສໍາຄັນແມ່ນໄດ້ສໍາເລັດໃນການກະກຽມຄວາມພ້ອມ ດ້ານຕ່າງໆໃຫ້ແກ່ການສະເຫຼີມສະຫຼອງປີທ່ອງທ່ຽວລາວປີ 2018 ທີ່ແຂວງເຊກອງ.

ຈາກນັ້ນ ທ່ານ ຮອງປະທານປະເທດ ກໍໄດ້ກ່າວສະແດງຄວາມຍ້ອງຍໍຊົມເຊີຍຕໍ່ບັນດາຜົນງານທີ່ແຂວງເຊກອງຍາດມາໄດ້ ໃນຊຸມປີທີ່ຜ່ານມາ ແລະພ້ອມທັງໃຫ້ທິດແລກປ່ຽນ ໂດຍເນັ້ນໜັກໜ້າວຽກອັນສຳຄັນຄື: ການປະຕິບັດແນວທາງວຽກງານ ປ້ອງກັນຊາດ-ປ້ອງກັນຄວາມສະຫງົບ, ວຽກງານຫັນລົງກໍ່ສ້າງຮາກຖານຕາມ 4 ເນື້ອໃນ 4 ຄາດໝາຍ, ວຽກງານກໍ່ສ້າງ ພັກ-ພະນັກງານ, ເສີມຂະຫຍາຍວຽກງານສຶກສາອົບຮົມການເມືອງ-ແນວຄິດໃຫ້ແກ່ຖັນແຖວພະນັກງານ, ສະມະຊິກພັກເປັນກົກ, ວຽກງານກະສິກຳໃຫ້ສອດຫ້ອຍ ເຂົ້າກັບການແກ້ໄຂຊີວິດການເປັນຢູ່ຂອງພໍ່ແມ່ປະຊາຊົນ, ສືບຕໍ່ໃກ້ຊິດບັນດາໂຄງການຕ່າງໆ ໃຫ້ສຳ ເລັດໂດຍໄວ, ສືບຕໍ່ເພີ່ມທະວີຄວາມສາມັກຄີປອງດອງບັນດາເຜົ່າຕ່າງໆ ພາຍໃນແຂວງເຊກອງໃຫ້ເປັນປຶກແຜ່ນແກ່ນສານເພື່ອຕ້ານ ກັບການໂຄສະນາແບບບິດເບືອນຂອງກຸ່ນຄົນບໍ່ຫວັງດີທີ່ຂັດແຍ່ງຕໍ່ແນວທາງນະໂຍບາຍຂອງພັກ-ລັດ. 

ພ້ອມນີ້ ທ່ານຍັງໄດ້ຮຽກຮ້ອງໃຫ້ການນໍາທຸກຂັ້ນຢູ່ແຂວງເຊກອງຈົ່ງເພີ່ມທະວີວຽກງານຮອບດ້ານເພື່ອສ້າງຄວາມເຂັ້ມແຂງໃນ ໜ້າທີ່ວຽກງານຂອງຕົນດ້ວຍຄວາມຮັບຜິດຊອບສູງ ໂດຍຖືເອົາວຽກງານກໍ່ສ້າງຮາກຖານການເມືອງ ປັບປຸງໂຄງສ້າງດ້ານບຸກຄະລາກອນ ເຮັດໃຫ້ວຽກງານມີການຫັນປ່ຽນ ແລະບັນລຸຕາມແຜນການ ພາຍໃຕ້ການຊີ້ນໍານໍາພາຂອງພັກໃນໄລຍະໃໝ່ ເພື່ອແກ້ໄຂຄວາມທຸກຍາກ ຂອງປະຊາຊົນບັນດາເຜົ່າໃຫ້ມີທວ່ງທ່າດີຂື້ນ ແກ້ໄຂບັນຫາປະກົດການຫຍໍ້ທໍ້ພາຍໃນສັງຄົມໃຫ້ຫຼຸດໜ້ອຍຖອຍລົງເທື່ອລະກ້າວ, ສ້າງ ພື້ນຖານໂຄງລ່າງເສດຖະກິດ-ສັງຄົມໃຫ້ໜັກແໜ້ນເຂັ້ມແຂງ ຍາດໃຫ້ໄດ້ຜົນສໍາເລັດໃນຕະຫຼອດໄລຍະການຈັດຕັ້ງປະຕິບັດໜ້າທີ່ວຽກ ງານຂອງຕົນ ເຮັດໃຫ້ແຂວງເຊກອງມີການຂະຫຍາຍຕົວດີຂຶ້ນເປັນກ້າວໆ.

        ໂອກາດຽວກັນນີ້, ທ່ານ ຮອງປະທານປະເທດ ຍັງໄດ້ຖືໂອກາດໄປຢ້ຽມຢາມ ເມືອງກະລຶມ, ເມືອງດາກຈຶງ ແຂວງເຊກອງ ນໍາອີກ ໂດຍການຕ້ອນຮັບເປັນຢ່າງສົມກຽດຈາກບັນດາຄະນະປະຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫ້ອງການ, ພະນັກງານລັດ ຖະກອນອ້ອມຂ້າງເມືອງດັ່ງກ່າວ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates