ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ເລຂາຊາວໝຸ່ມແຂວງ ຊີ້ນຳຊາວໝຸ່ມພະແນກການເງິນປະຕິບັດຂໍ້ແຂ່ງຂັນ 4 ບຸກ

      ໃນວັນທີ 27 ກັນຍາ 2017 ທ່ານ ສາກົນ ພອນປະເສີດ ກໍາມະການສູນກາງ ຊາວໝຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວໝຸ່ມແຂວງເຊກອງ ພ້ອມຄະ ນະລົງເຄື່ອນໄຫວຊຸກຍູ້ວຽກງານ ແລະ ໃຫ້ທິດຊີ້ນໍາຊາວໝຸ່ມຮາກຖານພະແນກການເງິນແຂວງ ສືບຕໍ່ປະຕິບັດຂໍ້ແຂ່ງຂັນ 4 ບຸກຂອງສູນກາງຊາວໝຸ່ມວາງອອກ ທັງນີ້ ກໍເພື່ອແນໃສ່ປັບປຸງ-ກໍ ສ້າງສະມາຊິກ ແລະ ການຈັດຕັ້ງຊາວໝຸ່ມໃຫ້ໜັກແໜ້ນເຂັ້ມແຂງກວ່າເກົ່າ.

IMG 0862

 

IMG 0860       IMG 0857

 

IMG 0856

 

   ໃນພິທີ ທ່ານ ສຸກສາຄອນ ຈັນທະພານິດ ເລຂາຊາວໝຸ່ມຮາກຖານພະແນກການເງິນແຂວງ ກໍໄດ້ລາຍງານສະພາບການເຄື່ອນໄຫວວຽກງານຊາວໝຸ່ມຂອງຂະແໜງການເງິນໃນ 8

ເດືອນ ແລະ ທິດທາງແຜນການ 4 ເດືອນປີ 2017, ຄະນະ​ໜ່ວຍ​ຊາວ​ໜຸ່ມໄດ້​ເອົາໃຈ​ໃສ່​ສຶກ​ສາ​ອົບ­ຮົມ​ການ­ເມືອງ-​ແນວ​ຄິດ​ໃຫ້​ບັນ­ດາ​ສະ­ມາ­ຊິກຊາວໝຸ່ມ​ຢ່າງ​ຕໍ່​ເນື່ອງ, ເອົາ­ໃຈ­ໃສ່​ດຳ­ເນີນ​ຊີ­ວິດ​ການເມືອງ ພາຍ​ໃນຈຸ-ໜ່ວຍ​ຕິດ​ພັນ​ກັບ​ການ​ປັບປຸງແບບແຜນວິທີນຳພາ-ແບບແຜນວິທີເຮັດວຽກ ແລະ ການກວດ­ກາ​ຕີ​ລາ­ຄາການປະຕິບັດຂໍ້ແຂ່ງຂັນ 4 ບຸກຢ່າງ​ຕັ້ງໜ້າ, ໂດຍປັດຈຸບັນຄະນະບໍລິຫານງານຊາວໝຸ່ມ ປປລ ຮາກຖານພະແນກການເງິນປະກອບມີ 7 ສະຫາຍ, ມີ 4 ໜ່ວຍຂຶ້ນກັບ ແລະ ມີສະມາຊິກທັງໝົດ 76 ສະຫາຍ, ຍິງ 26 ສະຫາຍ.

          ໃນ​ໄລ­ຍະ 8 ເດືອນຜ່ານມາ ​ບັນ­ດາ​ສະ­ມາ­ຊິກຊາວໝຸ່ມ​ໄດ້​ເອົາ­ໃຈ­ໃສ່​ໃນ​ການ​ປະ­ຕິ­ບັດ​ໜ້າ­ທີ່​ວຽກ​ງານວິຊາສະເພາະ ແລະ ວິຊາການຂອງຕົນ ໂດຍພາຍໃຕ້ການຊີ້ນຳໆພາຂອງຄະນະພັກ-ຄະນະພະແນກ ດ້ວຍຄວາມຮັບຜິດຊອບສູງ ແລະ ສາມາດຍາດໄດ້ຜົນງານ​ເດັ່ນຫຼາຍໆດ້ານເປັນຕົ້ນ: ວຽກງານປ້ອງກັນຊາດ-ປ້ອງກັນຄວາມສະຫງົບ​ໃນ​ຂະ​ແໜງ​ການ, ວຽກງານຂະບວນການຕ່າງໆ ລວມ​ໄປ​ເຖິງວຽກງານການພັດທະນາເສດຖະກິດ-ຊີວິດ​ການ​ເປັນ​ຢູ່​ຂອງ​ສະມະ​ຊິກ​ຊາວ​ໜຸ່ມ ແລະ ອື່ນໆ...

          ໃນໂອກາດດັ່ງກ່າວ ທ່ານ ສາກົນ ພອນປະເສີດ ກໍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ ແລະ ມີຄວາມເປັນເອກະພາບຕໍ່ທິດທາງແຜນການເຄື່ອນໄຫວຂອງຊາວໜຸ່ມຮາກຖານ ພະແນກການເງິນທີ່ວາງເອົາໄວ້, ພ້ອມທັງ ຊີ້ນໍາບາງວຽກງານໂດຍໄດ້ເນັ້ນໜັກໃຫ້ເອົາໃຈໃສ່ວຽກງານສຶກສາອົບຮົມການເມືອງນຳພາແນວຄິດ, ຄົ້ນຄວ້າເຊື່ອມຊຶມຢ່າງເລິກເຊິ່ງຕໍ່ພາລະບົດບາດ, ສິດ ແລະ ໜ້າທີ່ຂອງຊາວໝຸ່ມ ປປລ. ໄປພ້ອມໆກັບການປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບໃຫ້ມີຄວາມໜັກແໜ້ນ-​ເຂັ້ມແຂງ ແລະ ສືບຕໍ່ປະຕິບັດມະຕິຄຳສັ່ງຕ່າງໆ ໂດຍສະເພາະຂໍ້ແຂ່ງຂັນ 4 ບຸກທີ່ສູນກາງຊາວໝຸ່ມ ປປລ ວາງອອກໃຫ້ເປັນຂະບວນການກວ້າງຂວາງເລິກເຊີ່ງ ທັງນີ້ ກໍເພື່ອແນໃສ່ປັບປຸງ-ກໍສ້າງສະມາຊິກ ແລະ ອົງການຈັດຕັ້ງຊາວໝຸ່ມມີຄວາມເຂັ້ມແຂງກວ່າເກົ່າ. ພ້ມທັງເອົາໃຈໃສ່ປະຕິບັດໜ້າທີ່ວຽກງານວິຊາສະເພາະທີ່ການຈັດຕັ້ງເທິງ ກໍຄືຄະນະພັກ-ຄະນະພະແນກຂອງຕົນມອບໝາຍ ​ໃຫ້​​ໄດ້ຮັບຜົນສໍາເລັດ ​ແລະ ມີປະສິດທິຜົນສູງ.

 

( ຂ່າວ-ພາບ : ສັນຍາ ແກ້ວໄຊຍະວົງ )

 

 

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates