ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ພຜທ ເຂກອງ ຂຶ້ນແຜນກໍານົດພະນັກງານນໍາພາ-ຄຸ້ມຄອງ

ພຜທ ເຂກອງ ຂຶ້ນແຜນກໍານົດພະນັກງານນໍາພາ-ຄຸ້ມຄອງ

ຂ່າວ-ພາບ: ນາລີວັນ pc. 1.3.4.5

1

 

       ພະແນກແຜນການ ແລະ ການລົງທຶນ (ພຜທ) ແຂວງເຊກອງ ໄດ້ເປີດກອງປະຊຸມ ທາບທາມຂຶ້ນແຜນກຳນົດພະນັກງານນຳພາ-ຄຸ້ມຄອງ ປີ 2016-2020 ​ໃນວັນທີ 19-20 ກັນຍານີ້ ໂດຍພາຍ​ໃຕ້​ການ​ເປັນ​ປະທານ ຂອງທ່ານ ທອງຄໍາ ມະນີວົງກໍາມະການພັກແຂວງ ຫົວຫນ້າ (ພຜທ) ແຂວງ, ມີບັນດາຄະນະພັກ-ຄະນະພະແນກ (ພຜທ), ຄະນະກໍາມະການທີ່ມາຈາກພະແນກພາຍໃນແຂວງ, ຄະນະຈັດຕັ້ງແຂວງ, ຄະນະກວດກາພັກ-ລັດແຂວງ, ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

       ໃນກອງປະຊຸມຄັ້ງນີ້ກໍໄດ້ມີການເຜີຍແຜ່ບັນດາເອກະສານສໍາຄັນຕ່າງໆເປັນຕົ້ນແມ່ນເອກະສານບົດແນະນໍາຂອງຄະນະຈັດຕັ້ງສູນກາງພັກ ເລກທີ 198/ຄຈສພ, ລົງວັນທີ 13/10/2007 ວ່າດ້ວຍການຂຶ້ນແຜນກໍານົດພະນັກງານນໍາພາ-ຄຸ້ມຄອງ ໃນທົ່ວປະເທດ, ເອກະສານຂໍ້ກໍານົດຂອງກົມການເມືອງສູນກາງພັກ ເລກທີ 04/ກມສພ, ລົງວັນທີ 22/07/2003 ວ່າດ້ວຍມາດຖານຂອງພະນັກງານ ແລະ ເອກະສານດໍາລັດຂອງລັດຖະບານ ເລກທີ 461/ລບ, ລົງວັນທີ 09/10/2012 ວ່າດ້ວຍມາດຖານຕໍາແຫນ່ງບໍລິຫານຂອງລັດຖະກອນແຫ່ງ ສປປ ລາວ ຈາກທ່ານ ສົມພາ ແກ້ວດາວົງ ຮອງເລຂາຫນ່ວຍພັກ, ຮອງຫົວຫນ້າ (ພຜທ) ແຂວງ.

     ໂອກາດນີ້ ທ່ານ ທອງຄໍາ ມະນີວົງ ຫົວຫນ້າ (ພຜທ) ແຂວງໄດ້ໃຫ້ຮູ້ວ່າ: ການຂຶ້ນແຜນກຳນົດພະນັກງານນຳພາ-ຄຸ້ມຄອງ ແມ່ນການຄາດຄະເນໄລຍະຍາວ 5 ປີຂຶ້ນໄປ ກ່ຽວກັບການຄັດເລືອກເປົ້າໝາຍບຸກຄະລາກອນທີ່ມີມາດຖານເງື່ອນໄຂ ເພື່ອສືບທອດ ປ່ຽນແທນ ໃນຕຳແໜ່ງງານນຳພາ-ຄຸ້ມຄອງ ໃຫ້ມີລັກສະນະສືບທອດຕໍ່ເນື່ອງ, ພາຍຫລັງທີ່ມີແຜນກຳນົດແລ້ວກໍ່ຕ້ອງໄດ້ບຳລຸງສ້າງ ຍົກລະດັບຄວາມຮູ້ຄວາມສາມາດດ້ານຕ່າງໆໃຫ້ແກ່ພະນັກງານນຳພາຄຸ້ມຄອງ ບໍ່ວ່າຈະເປັນທາງດ້ານທິດສະດີ, ວິຊາສະເພາະໄປຄຽງຄູ່ກັນ ແລ້ວນຳໄປສັບຊ້ອນ ໃຫ້ຖືກຕາມພາລະບົດບາດ ແລະ ວຽກງານຕົວຈິງອື່ນໆ ທີ່ເຫັນວ່າເໝາະສົມໃນຄັ້ງຕໍ່ໄປ, ເຊີ່ງທັງນີ້ເພື່ອຮັບປະກັນບັນດາໜ້າວຽກທີ່ໄດ້ຮັບການແຕ່ງຕັ້ງໃຫ້ມີຜົນສໍາເລັດເປັນກ້າວໆ.

3

450006

ກະລຶມຫວນຄືນ​​ມູນເຊື້ອວັນທີ9ກັນຍາຄົບຮອບ15ປີ

ຂ່າວ:ອັດສະວິນແສງສີຈັນນັກຂ່າວເມືອງກະລຶມແຂວງເຊກອງ0302807470. pc. 0004. 0006

      (ເມືອງກະລຶມ)ເພື່ອເປັນການຫວນຄືນູນເຊື້ອວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວຄົບຮອບ15ປີ ດັ່ງນັ້ນ ໃນວັນທີ13ກັນຍາ2017ນີ້ເມືອງກະລຶມແຂວງເຊກອງໄດ້ຈັດພິທີປະຖະກະຖາເລົ່າມູນເຊື້ອວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ໂດຍເຂົ້າຮ່ວມຂອງ   ທ່ານນາງມະນີສອນປ່ຽງສະຫວັນກຳມະການປະຈຳພັກເມືອງປະທານແນວລາວສ້າງຊາດເມືອງ, ມີພະນັກງານອາວຸໂສປະຕິວັດ​,ສອງກຳລັງປະກອບອາວຸດ ພ້ອມດ້ວຍພະນັກງານລັດຖະກອນຈາກບັນດາ​​ຂະແໜງການອ້ອມຂ້າງເມືອງເຂົ້າຮ່ວມຢ່າງຫຼວງຫຼາຍ.

      ​ທ່ານນາງມະນີສອນປ່ຽງສະຫວັນກຳມະການປະຈຳພັກເມືອງປະທານແນວລາວສ້າງຊາດເມືອງກະລຶມກ່າວວ່າ:ນັກຮົບເກົ່າແມ່ນຜູ້ທີ່ມີຄຸນງາມຄວາມດີຕໍ່ປະເທດຊາດ ປະຊາຊົນ ເສຍສະຫຼະເລືອດເນື້ອເຫື່ອແຮງຂອງຕົນດ້ວຍຄວາມຈົ່ງຮັກພັກດີຕໍ່ຜືນແຜນດີນ, ພາຍຫຼັງປະເທດຊາດໄດ້ຮັບການປົດປ່ອຍຢ່າງສົມບູນແລ້ວບັນດາສະຫາຍທີ່ໄດ້ປະກອບສ່ວນ​​ເຂົ້າໃນພາລະກິດປະຕິວັດຊາດ​​ເມື່ອກ່ອນນັ້ນ ມາຮອດປະຈຸບັນສ່ວນຫຼວງຫຼາຍແມ່ນໄດ້ພັກຜ່ອນຮັບການບຳເນັດ,ບຳນານແລະສ້າງເສດຖະກິດຄອບຄົວຕາມການນະໂຍບາຍຂອງພັກລັດ ແຕ່ວ່າຄຸນງາມຄວາມດີຂອງເຂົາເຈົ້າແມ່ນຈະຖືກຈາລຶກໄວ້ເປັນບົດຮຽນອັນດີໃຫ້ແກ່ລຸກຫຼານຄົນຮຸນໃໝ່ໄດ້ສືບທອດພາລະກິດດັ່ງກ່າວ, ສະນັ້ນກົມການເມືອງສູນກາງພັກໄດ້ເຫັນດີອອກຂໍ້ຕົກລົງສະບັບເລກທີ68-69/ກມລົງວັນທີ9ກັນຍາ2002ວ່າດ້ວຍການສ້າງຕັ້ງສະຫະພັນນັກຮົມເກົ່າແຫ່ງຊາດລາວຂື້ນຢ່າງເປັນທາງການເພື່ອຄຸມຄອງ,ດູແລເບີ່ງແຍງ,ສຶກສາອົບຮົມ,ເຕົ້າໂຮມຄວາມສາມັກຄີໃນຖັນແຖວພະນັກງານ ສາມະຊິກພັກແລະເປັນຄັນທຸງແບບຢ່າງເພື່ອນຳມາໝູນໃຊ້ເຂົ້າໃນຊີວິດຕົວຈິງເທື່ອລະກ້າວ.

    ຄຽງຄູ່ກັນນັ້ນ​​ຕະຫຼອດໄລຍະ15ປີສະຫະພັນນັກຮົບເກົ່າເມືອງກະລຶມໄດ້ຕັ້ງໜ້າເຄື່ອນໄຫວເກັບກຳ​​ຈຳນວນສະຖິຕິນັກຮົບເກົາຊື້ງ​​ປັດຈຸບັນມີສະຫະພັນນັກຮົມເກົ່າທົ່ວເມືອງກະລຶມທັງໝົດ276ສະຫາຍ,ຍິງ3ສະຫາຍ,ໃນນັ້ນນັກຮົມເກົ່າບຳນາດ27ສະຫາຍ,ຍິງ1ສະຫາຍ,ໄດ້ຮັບອຸດໜູນ129ສະຫາຍ,ຍິງ2ສະຫາຍແລະບໍ່ໄດ້ຮັບອຸດໜູນ120ສະຫາຍພ້ອມກັນນັ້ນກໍໄດ້ເກັບກຳຂໍ້ມູນຜົນງານຂອງນັກຮົມເກົ່າທີ່ເປັນມູນເຊື້ອບັນທຶກ,ຈາລຶກໄວ້ເປັນຂໍ້ມູນທາງດ້ານໃນປະຫວັດສາດແລະປັບປຸງອົງການຈັດຕັ້ງຂອງພວກເຮົາໃຫ້ເຕີບໃຫຍ່ເຂັ້ມແຂງຮອບດ້ານ ໂດຍປະຕິບັດຕາມ​​ແນວທາງແຜນນະໂຍບາຍຕ່າງໆຂອງນັກຮົມເກົາແຫ່ງຊາດໃຫ້ສອດຄ່ອງກັບແນວທາງນະໂຍບາຍຂອງພັກຢ່າງກົມກຽວເພື່ອ​​ຮຽນຮູ້ແລະສືບທອດມູນເຊື້ອອັນເກົ່າແກ່ທີ່ລຸ້ນກ່ອນ​​ສ້າງມາໄວ້ໄດ້ນຳໃຊ້ກັບການປະຕິວັດໃນຂັ້ນຕໍ່.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates