ຍີນດີຕ້ອນຮັບເຂົ້າສູ່ເວັບໄຊພະ​ແນກ​ຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງ​ເຊກອງ

ລະມາມ ເປີດສູນ - ຝຶກອົບຮົມຫັດຖະກຳຈັກສານໃບລານໃຫ້ແກ່ກຸ່ມ 5 ປາກປູນ.

0107

#ຂ່າວ:ດາວສະຫວັນ ໄຊລາສອນ

   ຕອນເຊົ້າຂອງວັນທີ 24 ມັງກອນ 2018 ຜ່ານມານີ້, ເມືອງລະມາມ ແຂວງເຊກອງໄດ້ຈັດພິທີເປີດນຳໃຊ້ສູນຫັດຖະກຳໃບລານ ແລະຝຶກອົບຮົມຫັດຖະກຳຈັກສານໃບລານຂຶ້ນທີ່ກຸ່ມ 5 ປາກປູນ ເມືອງລະມາມ ແຂວງເຊກອງ ໂດຍການເຂົ້າຮ່ວມຂອງ ທ່ານ.ຄຳເສັງ ທຸມມະວົງສາ ຮອງເຈົ້າເມືອງລະມາມ, ທ່ານ ສະຫວັດດີ ກິ່ງແກ້ວ ຮອງປະທານສະມາຄົມຊີວະນາໆພັນລາວ ມີບັນດາຫົວໜ້າ-ຮອງ ພະແນກການ, ຫ້ອງການອ້ອມຂ້າງເມືອງ, ນັກວິທະຍາກອນມາຈາກປະເທດໄທ ພ້ອມດ້ວຍຄະນະພັກອຳນາດການປົກຄອງບ້ານ ຕະ ຫຼອດຮອດປະຊາຊົນມາຈາກ 7 ໝູ່ບ້ານເປົ້າໝາຍເຂົ້າຮ່ວມຢ່າງພ້ອມພຽງ.

0108

     ການຝຶກອົບຮົມຄັ້ງນີ້,ຜູ້ເຂົ້າຈະໄດ້ລົງມືປະຕິບັດຕົວຈິງໃນການຈັກສານໃບລານເປັນຕົ້ນແມ່ນຮຽນຮູ້ກ່ຽວກັບການສານຕິບເຂົ້າ, ໝວກ, ກະຕ່າໃສ່ເຄື່ອງ, ກະເປົາ ແລະອື່ນໆອີກ.ທັງນີ້, ກໍເພື່ອສົ່ງເສີມສີໄມ້ລາຍມື ແລະເຮັດໃຫ້ປະຊາຊົນໃນເຂດນີ້ມີວຽກເຮັດງານທຳ ທັງເປັນການສ້າງເສດຖະກິດຄອບຄົວຂອງພໍ່ແມ່ປະຊາຊົນບັນດາເຜົ່າຢູ່ໃນກຸ່ມດັ່ງກ່າວໃຫ້ມີຢູ່ມີກິນ ແລະການເປັນອາຊີບເສີມ.0109

   ໂອກາດນີ້, ທ່ານ ນ.ຄຳເສັງ ທຸມມະວົງສາ ຮອງເຈົ້າເມືອງລະມາມກໍໄດ້ຮຽກຮ້ອງມາຍັງໃຫ້ບັນດາທ່ານທີ່ເຂົ້າຮ່ວມຝຶກອົບຮົມໃນຄັ້ງນີ້ ຈົ່ງເອົາໃຈໃສ່ໃນການຮໍ່າຮຽນ ເພື່ອຊອກເອົາຄວາມຮູ້ປະສົບການມາໃຫ້ຕົນເອງ ເພື່ອມາພັດທະນາຄອບຄົວໃຫ້ໄດ້ຮັບການພັດທະນາ ດີຂຶ້ນເທື່ອລະກ້າວ ແລະນຳເອົາບົດຮຽນດັ່ງກ່າວໄປຈັດຕັ້ງປະຕິບັດໃຫ້ເກີດດອກອອກຜົນເປັນຢ່າງດີ.

ສ້າງຂື້ນໃນ ປີ 2017. ສະຫງວນລິຂະສິດໂດຍ: ພະແນກຖະ​ແຫຼງ​ຂ່າວ, ວັດ​ທະ​ນະ​ທຳ ແລະ ທ່ອງ​ທ່ຽວ ແຂວງເຊກອງ, ຕັ້ງຢູ່ບ້ານ ໂນນ​ມີ​ໄຊ, ເມືອງ ລະມາມ, ແຂວງ ເຊກອງ, ໂທຣ:(+856)038 211024, ແຟກ:(+856)038 211024, ມືຖື: 020 55121635
Powered by Joomla 1.7 Templates